主页 > V佳生活 >巴士佬讲鬼故! 司机呀,点解你唔等埋我?我要返屋企呀! >
巴士佬讲鬼故! 司机呀,点解你唔等埋我?我要返屋企呀!
阿成係一个住係长亨既巴士迷,所以细细个就成日坐42C游车河

由热狗时代,坐到依家全冷气巴士既时代,所以同42C啲挂牌车长特别熟,例如打机仔同阿昌

而今日九龙湾厂派左部仲有一个月命既巨龙巴士行,所以成仔就去游下车河


平时既42C大多人坐,所以佢会拣夜晚10点几果转坐,佢习惯坐去蓝田会坐下层既导航位,而回程返长亨,佢就会坐上层车头饱览风景

而今日舞呢条龙既夜更车长,竟然又係明仔呀!明仔,点解次次都关你事嫁?

当阿成落到去长亨巴士总站时,见到阿昌,打机仔同明仔係度倾紧偈,所以就行过去喇

巴士佬讲鬼故! 司机呀,点解你唔等埋我?我要返屋企呀!

明仔:你老味,放假前都要舞龙,不过条龙就黎死,到时就係屠龙既时候喇,哈哈哈哈

阿成:打机哥,昌哥,你好!

打机仔,昌哥:你好!

打机仔:阿成,你又黎游车河呀?


阿成:係呀,听日放假,所以有啲时间

阿昌:你打算游边部呀?我就揸部垃圾富豪,打机仔就揸新挂牌JE1886

打机仔:唔好提喇,换左我部HT2760走,俾返啲咁既车我,上斜慢到你呢!

明仔:你够我呢部346慢,上斜得10公里

阿成:师兄,我就係谂住搭你部346游车河呀

明仔:部车都就黎退役,有咩好游

阿成:就係呢部先好游呀!

明仔,你钟意喇,不过依家上车要投币或者拍卡嫁

明仔望住打机仔同昌哥部车走左之后,就谂住去个厕所,然后就準备开车喇

当去到蓝田铁路站落客后入坑,明仔就同阿成讲

明仔:部车上斜係咪好慢呀

阿成:巨龙係咁嫁喇,不过胜左冷气够

当倾倾下,上层突然有个靓女走落黎,睇个样似啱啱训醒,唔记得下车果啲


不过明仔係度谂,条女几时上车嫁,无留意到有条咁索既女上车既竟然!

靓女:司机呀,尾班车几点呀!

明仔:我係替更司机,所以我都唔係好清楚,你睇路线图喇

靓女:有无九両菜?

明仔:咁我真係唔知嘛!

阿成就出声:0025呀,小姐!

巴士佬讲鬼故! 司机呀,点解你唔等埋我?我要返屋企呀!

个靓女下车之后,明仔同阿成都下车,阿成就係冷气车坑等明仔开车

明仔就去站长室拍卡摺数

电脑显示,开2354,款待处通知,今晚改泊观塘码头11D坑

站长昌哥:明仔,今晚款待处柯打,叫你收工泊观码wo


明仔:有无搞错呀!明明泊蓝田铁路站嫁嘛

去埋个厕所,明仔就上返部车,準备开车喇!

上客果阵,见到阿成上车,但佢面青口唇白,同头先简直两个人黎,到底咩事呢?

明仔:喂,阿成,你无野吖嘛?

阿成口獃獃咁话:师兄呀,你今晚返厂记得要开灯呀

明仔:搞乜鬼呀?

去到长亨之后,由于呢部係后备车,所以要拆返啲胶牌摆返係站头

阿成下车果阵,同明仔讲:上面好似有人未下车呀

明仔上去上层拆牌果阵睇,发现一个人都无,就谂起阿成头先既说话

巴士佬讲鬼故! 司机呀,点解你唔等埋我?我要返屋企呀!


长亨私返九龙湾厂途中,都无咩事发生,所以明仔就将头先既事忘记左

返到厂,入完油,过完洗车机,去到门口成班车长等车返屋企,明仔一时忘记部车要摆观塘码头呀,冲口而出嗌左,观塘蓝地

于是成班车长冲上车嗌,路德会,泳池,唔该

明仔就係果时先醒起,今晚改摆观码,唔係蓝地呀

但眼见成班车长上晒车,唔通赶返佢地下车咩!而且个个收工返屋企

所以明仔照落观塘道行喇,车上都好热闹下,各车长都讲今日发生过既事,例如塞车过钟呀,坏车摆街等等,行行下车,正当有车长讲有客下车唔打钟既时候

电客钟突然叮一声,全车车长静晒,唔敢再出声

去到路德会,有部份车长下车,而明仔都开后门,等钟灯熄灭

等啲车长下车后,明仔继续揸去泳池,电客钟突然又叮一声


有师兄就行埋明仔身边讲:你部车本身係咁,点係你今晚无巡车,有客係上面呀?

明仔:部车要拆牌,无可能仲有客係上面嫁!

之后个师兄就走上上层睇,部车去到泳池,个师兄落返黎下车

师兄:你自己上去睇清楚啲喇!无人!

明仔唔多信,因为唔可以衰俾人睇,所以揸到蓝田铁路站外,慈云山北站长住蓝田所以仲未下车

明仔捉住佢一齐去上层睇,上到上层

明仔:又叫我睇清楚啲,依家乜鬼都无wo,又话有人,大我呀

之后落返下层

慈云山北站长:嗯,明仔,做乜仲唔入坑

明仔:其实我搞错左,部车今晚要改摆观塘,我忘记左,依家要揸返过去

慈云山北站长:咁你自己小心啲!

正当明仔揸返部车落观码经过观塘法院站果阵,见到有个女人企左係42C排队果度截明仔部车


明仔心谂,傻西,尾班车走左好耐喇,但个女人点知部车今日行42C嫁

去到开源道迴旋处,突然有把声传入明仔耳中,司机呀,点解你唔等埋我?我要返屋企呀

明仔以为係roadshow传出黎既声音,所以无理会到,返到观码摆好部车,就去等员工接送车喇

巴士佬讲鬼故! 司机呀,点解你唔等埋我?我要返屋企呀!

来源:laughbombclub.com

上一篇: 下一篇:
相似文章